Advertisements

Pasquale Cinquegrana (1850-1939) - Fenèsta 'ntussecósa

Neapolitan
A A

Fenèsta 'ntussecósa

Arape, oje nè, 'na sénga 'e 'sta fenèsta!
Cómme sì 'nfama tu, cómme sì triste!
Te vònno tutt'e stélle fà na fèsta.
Na sénga finalmènte che te còsta!
E si te còsta assaje, nun dubitare,
'O còre mio è ricco, pò pavare!
 
Rusì, si tiéne 'o còre,
Cèrto nun può durmì!
Addò trasètte ammóre,
Òdio nun po’ trasì!
Fenèsta 'ntussecósa,
Quanto me faje suffrì!
 
Oje Rò, 'ncòpp'a 'na prèta stò assettato,
'Sta prèta e 'o còre tujo è 'a stéssa còsa!
Pe' te vedè 'nu pòco stò ghiettato
ccà ssótto a 'sta fenésta 'ntussecósa.
Te fa vedè ll'ammore ccose nove,
Io cchiù nun sento si fa friddo o chiove!
 
Rusì, si tiéne 'o còre,
Cèrto nun può durmì!
Addò trasètte ammóre,
Òdio nun po’ trasì!
Fenèsta 'ntussecósa,
Quanto me faje suffrì!
 
'O suónno mò co 'ammóre vò pazziare
Ma pèrdere nun pò, nun pò ll'ammóre!
V' 'o ppòzzo io sulamènte assicurare,
Sul'io ca véglio e sòffro 'ntutte ll'óre!
Ammóre è ffòrte e chésto va facènno,
'A nòtte, fenestélle va arapènno!
 
Rusì, si tiéne 'o còre,
Cèrto nun può durmì!
Addò trasètte ammóre,
Òdio nun po’ trasì!
Fenèsta 'ntussecósa,
Quanto me faje suffrì!
 
Submitted by Pietro LignolaPietro Lignola on Wed, 12/06/2019 - 10:43
Submitter's comments:

La canzone è del 1898: museca di Vincenzo Ricciardi, testo di Pasquale Cinquegrana.

 

Advertisements
Video
Translations of "Fenèsta 'ntussecósa"
Comments